Tövbə Surəsi 13. Ayə - Bütün Tərcümələr
(Ey möminlər!) Andlarını pozan, Peyğəmbəri (yurdundan) çıxartmağa cəhd göstərən və sizə qarşı (döyüşə) ilk dəfə özləri başlayan bir qövmə qarşı döyüşməyəcəksinizmi? Yoxsa onlardan qorxursunuz? Əgər iman gətirmişsinizsə, (bilin ki,) ən çox Allahdan qorxmalısınız.
Əlixan Musayev:
Məgər siz andlarını pozan, Peyğəmbəri (öz yurdundan) qovmaq fikrində olan, özləri də sizinlə (döyüşü) birinci başlayan bir camaatla vuruşmayacaqsınız? Məgər onlardan qorxursunuz? Əgər möminsinizsə, daha çox Allahdan qorxmalısınız.
Bünyadov-Məmmədəliyev:
(Ey möminlər!) Məgər siz andlarınızı (əhdlərini) pozan, Peyğəmbəri (öz yurdundan) çıxardıb qovmaq niyyətində olan, üstəlik sizinlə döyüşə də birinci başlayan bir tayfa ilə vuruşmayacaqsınızmı? Məgər onlardan qorxursunuz? Əgər (həqiqi) möminlərsinizsə, bilin ki, əslində qorxmalı olduğunuz məhz Allahdır!
Elmir Quliyev
:
Неужели вы не сразитесь с людьми, которые нарушили свои клятвы и вознамерились изгнать Посланника? Они начали первыми. Неужели вы боитесь их? Вам надлежит больше бояться Аллаха, если вы являетесь верующими.
Ələddin Sultanov:
(Ey möminlər!) Andlarını pozan, Peyğəmbəri (yurdundan) çıxartmağa cəhd göstərən və sizə qarşı (döyüşə) ilk dəfə özləri başlayan bir qövmə qarşı döyüşməyəcəksinizmi? Yoxsa onlardan qorxursunuz? Əgər iman gətirmişsinizsə, (bilin ki,) ən çox Allahdan qorxmalısınız.
Kerbelayi Malik ağa:
Yəminlərini pozan bir qövmlə döyüşməyəcəksinizmi? (Onlar) rəsulu (yurdundan) çıxartmağa qərar verdilər və sizinlə (döyüşə) ilk dəfə başlayanlar onlardır. Onlardan qorxursunuzmu? Əgər möminlərsinizsə, Allah qorxmağınız üçün daha çox haqq sahibidir.
Ələsgər Musayev:
Ə, öz
andlarını pozan və rəsulu xaric etmək haqqında düşünən
qoumla döyüşməyəcəksinizmi? Sizinlə əvvəl onlar başladılar.
Ə, onlardanmı çəkinirsiniz? Haqq budur ki, Allahdan
çəkinəsiniz, əgər oldunuz inananlar!
A.Mehdiyev və D.Cəfərli:
Yoxsa siz öz andlarını pozmuş, Allahın Peyğəmbərini (Məkkədən) çıxarmaq qərarına gəlmiş və sizinlə (müharibəyə) ilk dəfə başlayan da onlar olan bir dəstə ilə vuruşmayacaqsınız? Yoxsa onlardan qorxursunuz? Əgər imanınız varsa, Allah qorxulmağa daha layiqdir.
Kövsər Tağıyev:
Andlarını pozan, peyğəmbəri yurdundan çıxarmağa cəhd edən və üstəlik sizə təcavüzü ilk dəfə özləri başladan bir qövmlə savaşmayacaqsınız? Yoxsa onlardan qorxursunuz? Halbuki Allah – əgər siz həqiqi möminlərsinizsə – qorxulmağa daha layiqdir.
M.Qənioğlu və T.Bilaloğlu:
Məgər siz andlarını pozmuş, peyğəmbəri (Məkkədən) çıxarmaq istəmiş və özləri də sizinlə birinci başlamış adamlarla vuruşmayacaqsınız? Onlardan qorxursunuzmu? Əgər siz möminsinizsə, Allahdan qorxmanız daha vacibdir.
Sabirə Dünyamalıyeva:
Andlarını pozan, Elçini yurdundan qovmaq qərarına gəlmiş və üstəlik də sizə qarşı döyüşə birinci özləri başlayan bir tayfayla döyüşməyəcəksinizmi? Yoxsa onların qarşısında hörmət, məhəbbət və elmlə ürpərirsinizmi? Əgər möminsinizsə, qarşısında hörmətlə, məhəbbətlə və elmlə ürpərməyiniz üçün Allah daha layiqdir.