Fəth Surəsi 17. Ayə - Bütün Tərcümələr
(Döyüşə getmədiklərinə görə) kora, topala və xəstəyə günah yoxdur. Kim Allaha və Peyğəmbərinə itaət edərsə, Allah onu (ağacları) altından çaylar axan cənnətlərə daxil edəcəkdir. Kim də üz döndərərsə, Allah ona acı bir əzab verəcəkdir.
Əlixan Musayev:
(Döyüşə getməməkdə) kora günah yoxdur, çolağa günah yoxdur, bir də xəstəyə günah yoxdur. Kim Allaha və Onun Elçisinə itaət etsə, (Allah) onu (ağacları) altından çaylar axan Cənnət bağlarına daxil edər. Kim də üz döndərsə, ona ağrılı-acılı bir əzab verər.
Bünyadov-Məmmədəliyev:
(Cihada getməməyə görə) kora günah gəlməz, topala-şilə günah gəlməz, bir də xəstəyə günah gəlməz. Kim Allaha və Peyğəmbərinə itaət etsə, (Allah) onu (ağacları) altından çaylar axan cənnətlərə daxil edər. Kim (onlardan) üz döndərsə, (Allah) onu şiddətli bir əzaba düçar edər!
Elmir Quliyev
:
Нет греха на слепом, и нет греха на хромом, и нет греха на больном. Кто подчинится Аллаху и Его Посланнику, того Он введет в Райские сады, в которых текут реки. А кто отвернется, того Он подвергнет мучительным страданиям.
Ələddin Sultanov:
(Döyüşə getmədiklərinə görə) kora, topala və xəstəyə günah yoxdur. Kim Allaha və Peyğəmbərinə itaət edərsə, Allah onu (ağacları) altından çaylar axan cənnətlərə daxil edəcəkdir. Kim də üz döndərərsə, Allah ona acı bir əzab verəcəkdir.
Kerbelayi Malik ağa:
Korlara, topallara və xəstələrə bir günah yoxdur. Kim Allaha və Onun Rəsuluna itaət edərsə, altından çaylar axan cənnətlərə daxil edər. Kim də dönərsə, ona ağrılı-acılı əzabla əzab edər.
Ələsgər Musayev:
Yoxdur üzərində çətinlik korun və yoxdur
üzərində çətinlik şikəstin və yoxdur üzərində çətinlik xəstənin.
Və kim itaət edir Allaha və Onun rəsuluna, O daxil edər onu
bağlara – cari olur altından onun nəhrlər. Kim üz döndərərsə, O
əzab edər ona ələmli əzabla.
A.Mehdiyev və D.Cəfərli:
(Cihadda iştirak etməməyə görə) kora da günah yoxdur, topala da günah yoxdur, xəstəyə də günah yoxdur. Kim Allaha və Onun Peyğəmbərinə itaət etsə, (Allah) onu (ev və ağaclarının) altından çaylar axan cənnətlərə daxil edər. Kim üz döndərsə ona ağrılı bir əzab verər.
Kövsər Tağıyev:
Kora çətinlik yoxdur, topala çətinlik yoxdur, xəstəyə də çətinlik yoxdur. (Bunlar savaşa qatılmaq məcburiyyətində deyillər.) Kim Allaha və peyğəmbərinə itaət edərsə, Allah onu içlərindən çaylar axan cənnətlərə qoyar. Kim də üz döndərərsə, onu ağrılı-acılı bir əzaba düçar edər.
M.Qənioğlu və T.Bilaloğlu:
(Döyüşə getməməyə) görə kora günah olmaz, çolağa günah olmaz, xəstəyə günah olmaz. Kim Allaha və Onun peyğəmbərinə itaət edərsə, O, onu dibindən caylar axan cənnət bağlarına daxil edər, kim də üz döndərərsə, ona üzücü bir əzab edər.
Sabirə Dünyamalıyeva:
Kor üçün bir günah yoxdur, topal üçün də bir günah yoxdur, xəstə üçün də bir günah yoxdur. Bununla birgə, kim Allaha və Elçisinə itaət etsə, Allah onu altından çaylar axan cənnətlərə daxil edər. Kim də üz döndərsə, ona ağrılı-acılı bir əzab verər.