Nisa Surəsi 171. Ayə - Bütün Tərcümələr
Ey kitab əhli, dininizdə həddi aşmayın və Allah barəsində haqdan başqa bir şey söyləməyin! Məryəm oğlu İsa Məsih ancaq Allahın peyğəmbəri, Məryəmə göndərdiyi sözü (“Ol” sözünün nəticəsi) və Ondan bir ruhdur (Onun tərəfindən üfürülmüş bir ruhdur). Ona görə də Allaha və peyğəmbərlərinə iman gətirin və “(Tanrı) üçdür” deməyin! Öz yaxşılığınız üçün buna son qoyun! Şübhəsiz ki, Allah tək bir ilahdır. O, övladı olmaqdan uzaq və pakdır. Göylərdə və yerdə nə varsa, hamısı Ona məxsusdur. Vəkil olaraq Allah kifayətdir.
يَا أَهْلَ الْكِتَابِ لاَ تَغْلُواْ فِي دِينِكُمْ وَلاَ تَقُولُواْ عَلَى اللّهِ إِلاَّ الْحَقِّ إِنَّمَا الْمَسِيحُ عِيسَى ابْنُ مَرْيَمَ رَسُولُ اللّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِّنْهُ فَآمِنُواْ بِاللّهِ وَرُسُلِهِ وَلاَ تَقُولُواْ ثَلاَثَةٌ انتَهُواْ خَيْرًا لَّكُمْ إِنَّمَا اللّهُ إِلَهٌ وَاحِدٌ سُبْحَانَهُ أَن يَكُونَ لَهُ وَلَدٌ لَّهُ مَا فِي السَّمَاوَات وَمَا فِي الأَرْضِ وَكَفَى بِاللّهِ وَكِيلاً
Yâ ehlel kitâbi lâ taglû fî dînikum ve lâ tekûlû alâllâhi illâl hakk(hakka). İnnemâl mesîhu îsâbnu meryeme resûlullâhi ve kelimetuhu. Elkâhâ ilâ meryeme ve rûhun minhu, fe âminû billâhi ve rusulihî, ve lâ tekûlû selâseh(selâsetun). İntehû hayran lekum. İnnemâllâhu ilâhun vâhid(vâhidun). Subhânehû en yekûne lehu veled(veledun), lehu mâ fîs semâvâti ve mâ fîl ard(ardı). Ve kefâ billâhi vekîlâ(vekîlen).
Əlixan Musayev:
Ey Kitab əhli! Dininizdə ifrata varmayın və Allah barəsində yalnız həqiqəti deyin. Məryəm oğlu İsa Məsih ancaq Allahın elçisi, Onun Məryəmə göndərdiyi (“Ol!”) kəlməsi və Onun tərəfindən (göndərilən) bir ruhdur. Allaha və Onun elçilərinə iman gətirin və: “(İlah )üçdür!” deməyin. (Batil əqidənizə) son qoyun! (Bu) sizin üçün xeyirli olar. Həqiqətən, Allah Tək İlahdır! O, pakdır, müqəddəsdir, övladı olmaqdan uzaq-dır. Göylərdə və yerdə nə varsa, Ona məxsusdur. Qoruyan olaraq Allah yetər.
Bünyadov-Məmmədəliyev:
Ey kitab əhli! Öz dininizdə həddi aşmayın! Allah barəsində yalnız haqqı deyin. Həqiqətən, Məryəm oğlu İsa əl-Məsih ancaq Allahın peyğəmbəri, (Cəbrail vasitəsilə) Məryəmə çatdırdığı bir söz və Onun tərəfindən olan bir ruhdur. Allaha və peyğəmbərlərinə iman gətirin. (Allah barəsində) “üçdür” deməyin. (Belə sözlərə) son qoyun ki, (bu) sizin üçün daha yaxşı olar. Həqiqətən, Allah tək bir tanrıdır. Övladı olmaqdan (bu bəşəri xüsusiyyətdən) kənardır. Göylərdə və yerdə nə varsa, (hamısı) Onundur. Allahın (sizə) vəkil olması bəs edər!
Elmir Quliyev
:
О люди Писания! Не проявляйте чрезмерности в вашей религии и говорите об Аллахе только правду. Мессия Иса (Иисус), сын Марьям (Марии), является посланником Аллаха, Его Словом, которое Он послал Марьям (Марии), и духом от Него. Веруйте же в Аллаха и Его посланников и не говорите: "Троица!" Прекратите, ведь так будет лучше для вас. Воистину, Аллах — Единственный Бог. Он пречист и далек от того, чтобы у Него был сын. Ему принадлежит то, что на небесах, и то, что на земле. Довольно того, что Аллах является Попечителем и Хранителем!
Ələddin Sultanov:
Ey kitab əhli, dininizdə həddi aşmayın və Allah barəsində haqdan başqa bir şey söyləməyin! Məryəm oğlu İsa Məsih ancaq Allahın peyğəmbəri, Məryəmə göndərdiyi sözü (“Ol” sözünün nəticəsi) və Ondan bir ruhdur (Onun tərəfindən üfürülmüş bir ruhdur). Ona görə də Allaha və peyğəmbərlərinə iman gətirin və “(Tanrı) üçdür” deməyin! Öz yaxşılığınız üçün buna son qoyun! Şübhəsiz ki, Allah tək bir ilahdır. O, övladı olmaqdan uzaq və pakdır. Göylərdə və yerdə nə varsa, hamısı Ona məxsusdur. Vəkil olaraq Allah kifayətdir.
Kerbelayi Malik ağa:
Ey kitab əhli! Dininiz haqqında həddi aşmayın! Allah barəsində haqqdan (doğrudan, həqiqətdən) başqa bir şey söyləməyin. Məsih İsa Məryəmin oğludur və yalnız Allahın Rəsulu və Onun kəlməsidir. Onu Məryəmə göndərdi və O, Özündən bir ruhdur. Elə isə Allaha və Onun rəsullarına iman edin və ‘Üçdür’ deməyin (ata Allah, oğul Allah və Ruh'ul Qüds deyə üç Allah vardır deməyin), (bu sözlərinizdən) vaz keçin, sizin üçün xeyirlidir. Allah yalnız tək ilahdır. Onu ‘övlad sahibi olmaqdan’ tənzih edin (uzaq tutun). Göylərdə və yer üzündə olanlar (hər şey) Onundur. Vəkil olaraq Allah kafidir.
Ələsgər Musayev:
Ay əhli kitab! Etməyin lağ dininizdə və deməyin
üzərinə Allahın, ancaq haqqı! Həqiqətən, Məsih Isa Məryə oğlu
rəsuludur Allahın və kəlməsidir Onun – atdı onu tərəfinə
Məryəmin və Ruh Ondan. Və inanın Allah ilə və rəsullarına
Onun və deməyin üçlüyü və son qoyun - xeyirdir sizin üçün.
Həqiqətən, Allah - Ilahidir Vahid və O Pak - Müqəddəsidir ki,
Onun övladı olsun. Onun üçündür nə ki, səmalarda və nə ki,
ərzdə var. Və kafidir Allah ilə Vəkillik!
A.Mehdiyev və D.Cəfərli:
Ey kitab əhli (ey xaçpərəstlər), öz dininizdə həddi aşmayın və Allaha qarşı haqq və həqiqətdən başqa bir şey deməyin («Allah allahlıqdan İsanın vücuduna çevrilmişdir» və ya «Allah ruh kimi İsanın bədəninə daxil olmuşdur» deməyin). Həqiqətdə Məryəm oğlu İsa Məsih Allahın elçisi, Məryəmə təlqin etdiyi bir kəlmə («ol!» kəlməsi ilə onu Məryəmin bətnində yaradıb) və Onun tərəfindən olan (və canlara həyat bəxş edən) bir ruhdur. Odur ki, Allaha və Onun peyğəmbərlərinə iman gətirin və «(Allah) üçlükdür (Allahın zatının cövhəri üç mövcuda – ata, oğul və Ruhul-Qudusa bölünüb)» deməyin. (Bu sözdən) çəkinin ki, sizin xeyrinizədir. Həqiqətən Allah tək olan tanrıdır, övladı olmaqdan pak (və uzaq)dır. Göylərdə və yerdə olanlar Onun həqiqi mülküdür. Allah (varlıq aləminin işlərini) düzəltmək üçün kifayətdir.
Kövsər Tağıyev:
Ey Kitab əhli! Dininizdə həddi aşmayın və Allah haqqında yalnız haqqı söyləyin. Məryəm oğlu İsa Məsih, yalnız və yalnız, Allahın peyğəmbəri, Məryəmə çatdırdığı (əmri ilə onda yaratdığı) kəlməsi və özündən olan bir ruhdur. Elə isə Allaha və peyğəmbərlərinə iman edin, “(Allah) üçdür” deməyin. Öz yaxşılığınız üçün buna son qoyun. Allah yalnız tək bir ilahdır. O, övlad sahibi olmaqdan uzaqdır. Göylərdəki hər şey, yerdəki hər şey Onundur. Vəkil olaraq Allah yetər.
M.Qənioğlu və T.Bilaloğlu:
Ey Kitab əhli! Öz dininizdə ifrata varmayın və Allah barəsində həqiqətdən başqa bir şey deməyin. Əlbəttə, Məryəm oğlu İsa Məsih Allahın peyğəmbəri, Onun Məryəmə çatdırdığı kəlamı və Ondan olan bir ruhdur. Allaha və Onun peyğəmbərlərinə iman gətirin və deməyin ki, (tanrı) üçdür. Əl çəkin, bu sizin üçün daha yaxşı olar. Allah tək bir tanrıdır. O, övlada malik olmaqdan uzaqdır. Göylərdə və yerdə nə varsa, Ona məxsusdur. Bir vəkil olaraq Allah kifayətdir.
Sabirə Dünyamalıyeva:
Ey Kitab Əhli! Dininizdə ifrata varmayın. Və Allah haqqında həqiqətdən başqa bir şey söyləməyin. Məryəm oğlu İsa Məsih, yalnız Allahın elçisi və Məryəmə təlqin etdiyi/çatdırdığı sözü və Öz tərəfindən bir ruhdur, vəhy vasitəsi ilə doğulmuş biridir. Artıq, Allaha və elçilərinə inanın. Və "üçdür" deməyin. Son qoyun, sizin üçün daha yaxşı olar. Allah, ancaq tək bir məbuddur. O, övladı olmaqdan pakdır. Göylərdə olan şeylər və yer üzündə olan şeylər yalnız Ona məxsusdur. "Bütün varlıqları müəyyən bir proqrama görə nizamlayan və bu proqramı qoruyaraq, dəstəkləyərək tətbiq edən" olaraq Allah bəs edər.