Casiyə Surəsi 6. Ayə - Bütün Tərcümələr
Bunlar sənə haqq olaraq oxuduğumuz Allahın ayələridir. Elə isə onlar Allahdan və Onun ayələrindən sonra hansı sözə inanacaqlar?
Əlixan Musayev:
Bunlar Allahın ayələridir. Biz onları sənə bir həqiqət kimi oxuyuruq. Onlar Allaha və Onun dəlillərinə dair sözə inanmadıqdan sonra hansı sözə daha inanacaqlar?!
Bünyadov-Məmmədəliyev:
(Ya Peyğəmbər!) Bunlar Allahın ayələridir (qüdrət nişanələridir). Biz onları (Cəbrail vasitəsilə) sənə doğru oxuyub bildiririk. Bəs onlar Allaha və Onun ayələrinə (Qurana) inanmadıqdan sonra hansı kəlama inanırlar?
Elmir Quliyev
:
Вот аяты Аллаха, которые Мы читаем тебе истинно. В какой же рассказ после рассказа об Аллахе и его знамениях они верят?
Ələddin Sultanov:
Bunlar sənə haqq olaraq oxuduğumuz Allahın ayələridir. Elə isə onlar Allahdan və Onun ayələrindən sonra hansı sözə inanacaqlar?
Kerbelayi Malik ağa:
Bunlar Allahın ayələridir. Sənə haqq olaraq onları oxuyuruq. O halda Allahdan və Onun ayələrindən sonra hansı sözə inanacaqlar?
Ələsgər Musayev:
Bu,
ayətləridir Allahın, tilavat edirik onu üzərinə sənin haqq ilə.
Bəs Allahın hədislərindən və Onun ayətlərindən sonra nəyə
inanacaqlar?
A.Mehdiyev və D.Cəfərli:
Bunlar (kitabın bu ayələri və sizin öz vücudunuzda və təbiətdə olan ayələr) Allahın haqq və doğru olaraq sənə oxuduğumuz ayələridir. Buna görə də (əgər bunları qəbul etməsələr), Allahdan (Allahın sözündən) və Onun nişanələrindən sonra hansı sözə iman gətirəcəklər?!
Kövsər Tağıyev:
Bax bunlar Allahın ayələridir. Onları sənə haqq olaraq oxuyuruq. Artıq Allahdan və onun ayələrindən sonra hansı sözə inanacaqlar?
M.Qənioğlu və T.Bilaloğlu:
Bunlar, Allahın ayələridir. Biz onları sənin üçün haqq olaraq oxuyuruq. Allahın kəlamından və Onun ayələrindən başqa onlar hansı sözə inanarlar?
Sabirə Dünyamalıyeva:
Bax bunlar, Bizim sənə haqq olaraq oxumaqda olduğumuz Allahın ayələridir. Sənə onları layiqincə oxuyuruq. Artıq onlar, Allahdan və Onun ayələrindən sonra, hansı sözə/hansı fakta inanacaqlar?