Tövbə Surəsi 74. Ayə - Bütün Tərcümələr
(Ey Peyğəmbər!) Onlar o sözləri söyləmədiklərinə dair Allaha and içirlər. Halbuki, onlar küfr sözünü söyləmiş və müsəlman olduqdan sonra kafir olmuşdular. Onlar nail ola bilmədikləri bir işə (Peyğəmbərə sui-qəsd etməyə) cəhd etmişdilər. Onlar yalnız Allah və Peyğəmbəri Öz lütfündən möminləri zəngin etdiyi üçün intiqam almaq istəmişdilər. Əgər tövbə etsələr, bu, onlar üçün daha xeyirli olar. Əgər üz döndərsələr, Allah onlara dünyada da, axirətdə də acı bir əzab verəcəkdir. Yer üzündə onların nə bir dostu, nə də bir köməkçisi var. (Mədinəlilərin bir qismi kasıb idi. Həzrət Peyğəmbərin hicrətindən sonra onlar varlandılar. Sonra isə onların arasındakı münafiqlər nankorluq edib Həzrət Peyğəmbərə pislik etməyə çalışdılar.)
يَحْلِفُونَ بِاللّهِ مَا قَالُواْ وَلَقَدْ قَالُواْ كَلِمَةَ الْكُفْرِ وَكَفَرُواْ بَعْدَ إِسْلاَمِهِمْ وَهَمُّواْ بِمَا لَمْ يَنَالُواْ وَمَا نَقَمُواْ إِلاَّ أَنْ أَغْنَاهُمُ اللّهُ وَرَسُولُهُ مِن فَضْلِهِ فَإِن يَتُوبُواْ يَكُ خَيْرًا لَّهُمْ وَإِن يَتَوَلَّوْا يُعَذِّبْهُمُ اللّهُ عَذَابًا أَلِيمًا فِي الدُّنْيَا وَالآخِرَةِ وَمَا لَهُمْ فِي الأَرْضِ مِن وَلِيٍّ وَلاَ نَصِيرٍ
Yahlifûne billâhi mâ kâlû, ve lekad kâlû kelimetel kufri ve keferû ba’de islâmihim ve hemmû bi mâ lem yenâlû, ve mâ nekamû illâ en agnâhumullâhu ve resûluhu min fadlihi, fe in yetûbû yeku hayran lehum, ve in yetevellev yuazzibhumullâhu azâben elîmen fîd dunyâ vel âhirah(âhirati), ve mâ lehum fîl ardı min veliyyin ve lâ nasîr(nasîrin).
Əlixan Musayev:
Allaha and içirlər ki, (nala-yiq sözlər) deməyiblər. Onlar küfr sözünü demiş, İslamı qəbul etdikdən sonra kafir olmuş və bacara bilmədikləri bir işə can atmışlar. Onların intiqam almağı yalnız Allahın və Onun Elçisinin onları Öz lütfündən varlandırdığına görədir. Əgər tövbə etsələr, onlar üçün xeyirli olar. Əgər üz döndərsələr, Allah onları dünyada da, axirətdə də acılı-ağrılı bir əzaba düçar edər. Yer üzündə onların nə bir dostu, nə də bir köməkçisi vardır.
Bünyadov-Məmmədəliyev:
(Münafiqlər) Allaha and içirlər ki, (Peyğəmbər haqqında nalayiq sözlər) deməyiblər. (And olsun ki) onlar küfr sözünü demiş, islamı (zahirən) qəbul etdikdən sonra kafir olmuş, müvəffəq ola bilmədikləri bir işə (Təbuk döyüşündən qayıdarkən Peyğəmbərə qarşı hazırladıqları sui-qəsdə) girişmişdilər. (Münafiqlərin Peyğəmbərə və möminlərə qarşı) kin-küdurət bəsləmələrinin səbəbi yalnız Allahın və Peyğəmbərinin Öz nemətləri ilə onları varlandırmasıdır. Bununla belə, əgər (ikiüzlülüklərindən və digər yaramaz əməllərindən) tövbə etsələr, onlar üçün xeyirli olar. Yox, əgər (imandan) üz döndərsələr, Allah onları dünyada və axirətdə şiddətli bir əzaba mübtəla edər. Yer üzündə onların nə bir dostu, nə də bir imdada yetəni var!
Elmir Quliyev
:
Они клянутся Аллахом, что ничего не говорили, а ведь они произнесли слово неверия и стали неверующими после того, как обратились в ислам. Они задумали совершить то, что им не удалось совершить. Они мстят только за то, что Аллах и Его Посланник обогатили их из Его щедрот. Если они раскаются, то так будет лучше для них. А если они отвернутся, то Аллах подвергнет их мучительным страданиям в этом мире и в Последней жизни. Нет у них на земле ни покровителя, ни помощника.
Ələddin Sultanov:
(Ey Peyğəmbər!) Onlar o sözləri söyləmədiklərinə dair Allaha and içirlər. Halbuki, onlar küfr sözünü söyləmiş və müsəlman olduqdan sonra kafir olmuşdular. Onlar nail ola bilmədikləri bir işə (Peyğəmbərə sui-qəsd etməyə) cəhd etmişdilər. Onlar yalnız Allah və Peyğəmbəri Öz lütfündən möminləri zəngin etdiyi üçün intiqam almaq istəmişdilər. Əgər tövbə etsələr, bu, onlar üçün daha xeyirli olar. Əgər üz döndərsələr, Allah onlara dünyada da, axirətdə də acı bir əzab verəcəkdir. Yer üzündə onların nə bir dostu, nə də bir köməkçisi var. (Mədinəlilərin bir qismi kasıb idi. Həzrət Peyğəmbərin hicrətindən sonra onlar varlandılar. Sonra isə onların arasındakı münafiqlər nankorluq edib Həzrət Peyğəmbərə pislik etməyə çalışdılar.)
Kerbelayi Malik ağa:
And olsun ki, ‘küfr’ sözünü söylədikləri halda, Allaha söyləmədiklərinə yəmin edərlər. İslamı qəbul etdikdən sonra inkar etdilər. Nail ola bilməyəcəkləri və intiqam almaq istədikləri şey yalnız Allahın və Rəsulunun onları, fəzlindən zənginləşdirmiş olması. Artıq tövbə etsələr onlar üçün xeyirli olar. Əgər dönsələr (imandan geri), Allah onları əlim əzabla dünyada və axirətdə əzablandırar. Onların yer üzündə bir dostu və köməkçisi yoxdur.
Ələsgər Musayev:
Allaha and içirlər ki, deməyiblər və bir surətdə ki, onlar
küfr kəlməsi deyiblər və təslim olandan sonra kafir olublar.
Bir iş görmək istədilər, ancaq nail olmadılar. Intiqam alırlar,
ancaq ona görə ki, Allah və Onun rəsulu Öz fəzlindən onları
ehtiyacsız etdi. Əgər qayıtsalar, onlar üçün xeyirlidir və əgər
üz çevirsələr, Allah onlara dünya və axirətdə ələmli əzab verər
və yoxdur onlar üçün ərzdə dost və yardımçı!
A.Mehdiyev və D.Cəfərli:
Münafiqlər Allaha and içirlər ki, (Peyğəmbərin arxasınca pis söz) deməyiblər. Halbuki şübhəsiz, küfr sözü deyiblər və İslamı qəbul etdikdən sonra (dönüb) kafir olublar (İslamı izhar etdikdən sonra küfrü izhar ediblər). Və onlar nail ola bilmədikləri təhlükəli bir qərar (Peyğəmbərə sui-qəsd, ya onu Mədinədən çıxarmaq qərarını) qəbul etdilər. Onlar (Allaha və Peyğəmbərə) yalnız Allah və Onun Peyğəmbərinin onları Öz lütf və kərəmləri ilə ehtiyacsız etmələrini irad tutdular və qəzəbləndilər (beləliklə, nemətə şükr etmək əvəzinə intiqam almaq istədilər). Odur ki, əgər tövbə etsələr, onlar üçün daha yaxşıdır və əgər üz döndərsələr, Allah onlara dünya və axirətdə ağrılı bir əzab verəcək və yer üzündə onların bir başçı və köməkçiləri olmayacaqdır.
Kövsər Tağıyev:
Bir şey söyləmədiklərinə dair Allaha and içirlər. Halbuki o küfr sözünü söylədilər və (dildə) müsəlman olduqdan sonra inkar etdilər. Həmçinin müvəffəq ola bilmədikləri şeyə (peyğəmbəri öldürməyə) də cəhd etdilər. Sırf Allah və Rəsulu öz lütfü ilə onları varlandırdığı üçün intiqam almaq fikrinə düşdülər. Əgər tövbə etsələr, onlar üçün xeyirli olar. Əgər üz döndərsələr, Allah onları dünyada və axirətdə ağrılı-acılı bir əzaba düçar edəcək. Artıq onlar üçün yer üzündə nə bir dost, nə də bir yardımçı var.
M.Qənioğlu və T.Bilaloğlu:
Küfr söz danışdıqları, islamı qəbul etdikdən sonra küfr etdikləri və əldə edə bilmədiklərinə girişdikləri halda, Allaha and içirlər ki, belə sözlər deməyiblər. Onlar yalnız Allahın və peyğəmbərinin Öz fəzilətindən onları [müsəlmanları] varlandırdığına görə intiqam alırlar. Əgər onlar tövbə etsələr, özləri üçün yaxşı olar. Əgər üz döndərsələr Allah onlara bu dünyada və axirətdə üzücü əzab verər. Yer üzündə onların nə bir havadarı, nə də kömək edəni olar.
Sabirə Dünyamalıyeva:
Onlar, Allaha and içirlər ki, deməyiblər. Halbuki onlar küfrü [Allahın məbud və rəbb olduğunu bilə-bilə rədd etmək sözünü] həqiqətən söylədilər. İslamlaşdıqdan sonra da kafir [Allahın məbud və rəbb olduğunu bilə-bilə inkar edən kəslər] oldular. Və çata bilmədikləri, sahib ola bilmədikləri şeyləri çox istədilər. Onlar yalnız, Allahın və Elçisinin möminləri Allahın nemətləri ilə varlandırmasından qəzəbləndilər. Artıq səhvlərindən dönsələr, özləri üçün xeyirli olar. Əgər boyun qaçırsalar, Allah onlara dünyada və axirətdə çox ağrılı-acılı bir əzab verəcək. Yer üzündə onların bir himayəçisi, yol göstərən yaxını və yaxşı bir köməkçisi də yoxdur.