Bəqərə Surəsi 233. Ayə - Bütün Tərcümələr
Uşaqlarının tam əmizdirilməsini istəyənlər (atalar) üçün analar uşaqlarını tam iki il əmizdirsinlər. Onların (anaların) yeməyi və geyimi adətə görə (uşağın) atasının üzərinə düşür. Heç kim gücünün çatmadığından məsul tutulmaz. Nə ana, nə də ata uşağına görə zərər çəkməlidir! Eyni məsuliyyət varisin üzərinə də düşür. Əgər ata və ana öz aralarında məsləhətləşərək razılığa gəlib uşağı süddən kəsmək istəsələr, heç birinə günah yoxdur. Əgər uşaqlarınızı süd anasına əmizdirmək istəsəniz və verəcəyinizi (zəhmət haqqını) adətə müvafiq ödəsəniz, sizə heç bir günah yoxdur. Allahdan qorxun və bilin ki, Allah etdiyiniz əməlləri görəndir.
وَالْوَالِدَاتُ يُرْضِعْنَ أَوْلاَدَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَةَ وَعلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ لاَ تُكَلَّفُ نَفْسٌ إِلاَّ وُسْعَهَا لاَ تُضَآرَّ وَالِدَةٌ بِوَلَدِهَا وَلاَ مَوْلُودٌ لَّهُ بِوَلَدِهِ وَعَلَى الْوَارِثِ مِثْلُ ذَلِكَ فَإِنْ أَرَادَا فِصَالاً عَن تَرَاضٍ مِّنْهُمَا وَتَشَاوُرٍ فَلاَ جُنَاحَ عَلَيْهِمَا وَإِنْ أَرَدتُّمْ أَن تَسْتَرْضِعُواْ أَوْلاَدَكُمْ فَلاَ جُنَاحَ عَلَيْكُمْ إِذَا سَلَّمْتُم مَّآ آتَيْتُم بِالْمَعْرُوفِ وَاتَّقُواْ اللّهَ وَاعْلَمُواْ أَنَّ اللّهَ بِمَا تَعْمَلُونَ بَصِيرٌ
Vel vâlidâtu yurdı’ne evlâdehunne havleyni kâmileyni li men erâde en yutimmer radâah(radâate), ve alel mevlûdi lehu rızkuhunne ve kisvetuhunne bil ma’rûf(ma’rûfi), lâ tukellefu nefsun illâ vus’ahâ, lâ tudârra vâlidetun bi veledihâ ve lâ mevlûdun lehu bi veledihî ve alel vârisi mislu zâlik(zâlike), fe in erâdâ fısâlen an terâdın min humâ ve teşâvurin fe lâ cunâha aleyhimâ ve in eradtum en testerdıû evlâdekum fe lâ cunâha aleykum izâ sellemtum mâ âteytum bil ma’rûf(ma’rûfi), vettekullâhe va’lemû ennellâhe bi mâ ta’melûne basîr(basîrun).
Əlixan Musayev:
Analar öz övladlarını tam iki il əmizdirməlidirlər. (Bu,) əmizdirməni tamamlamaq istəyənlər üçündür. Anaların yeməyi və geyimi (şəriətə) müvafiq qayda uşağın atasının üzərinə düşür. Heç kəs qüvvəsi çatdığından artıq yüklənməz. Nə anaya öz övladına görə, nə də ataya öz övladına görə zərər verilməməlidir. (Bu vəzifə) eynilə varisin üzərinə düşür. Əgər (atavəana) özlərinin razılığı və məsləhəti ilə (uşağı) süddən kəsmək istəsələr, ikisinə də heç bir günah sayılmaz. Əgər siz uşaqlarınızı (süd anasına) əmizdirmək istəyirsinizsə və (süd haqqını )müvafiq qayda üzrə ödəsəniz, sizə heç bir günah olmaz. Allahdan qorxun və bilin ki, Allah sizin nə etdiklərinizi görür.
Bünyadov-Məmmədəliyev:
Analar (istər boşanmış, istərsə də boşanmamış olsun) uşaqlarını əmizdirmə müddətini tamamlatmaq istəyən (atalar) üçün tam iki il əmizdirsinlər. Anaların yeməyi və geyimi öz qüvvəsi dairəsində (uşağın) atasının üzərinə düşür. Heç kəs gücü çatdığından artıq yüklənməz. Nə bir ana, nə də bir ata uşağına görə zərər çəkməsin! (Ata öləndən sonra) bu vəzifə həmin qaydada varisin üzərinə düşür. Əgər ata və ana öz aralarında məsləhətləşib, uşağı (iki ildən tez) süddən kəsmək qərarına gəlsələr, ikisinə də heç bir günah olmaz. Əgər siz uşağınızı başqasına (süd anasına) əmizdirmək istəyirsinizsə, onun zəhmət haqqını müəyyən olunmuş qayda üzrə (şəriətə müvafiq) ödəsəniz, yenə də sizə günah sayılmaz. Allahdan qorxun və bilin ki, Allah, həqiqətən, sizin nə etdiklərinizi görəndir!
Elmir Quliyev
:
Матери должны кормить своих детей грудью два полных года, если они хотят довести кормление грудью до конца. А тот, у кого родился ребенок, должен обеспечивать питание и одежду матери на разумных условиях. Ни на одного человека не возлагается сверх его возможностей. Нельзя причинять вред матери за ее ребенка, а также отцу за его ребенка. Такие же обязанности возлагаются на наследника отца. Если они пожелают отнять ребенка от груди по взаимному согласию и совету, то не совершат греха. И если вы пожелаете нанять кормилицу для ваших детей, то не совершите греха, если вы заплатите ей на разумных условиях. Бойтесь Аллаха и знайте, что Аллах видит то, что вы совершаете.
Ələddin Sultanov:
Uşaqlarının tam əmizdirilməsini istəyənlər (atalar) üçün analar uşaqlarını tam iki il əmizdirsinlər. Onların (anaların) yeməyi və geyimi adətə görə (uşağın) atasının üzərinə düşür. Heç kim gücünün çatmadığından məsul tutulmaz. Nə ana, nə də ata uşağına görə zərər çəkməlidir! Eyni məsuliyyət varisin üzərinə də düşür. Əgər ata və ana öz aralarında məsləhətləşərək razılığa gəlib uşağı süddən kəsmək istəsələr, heç birinə günah yoxdur. Əgər uşaqlarınızı süd anasına əmizdirmək istəsəniz və verəcəyinizi (zəhmət haqqını) adətə müvafiq ödəsəniz, sizə heç bir günah yoxdur. Allahdan qorxun və bilin ki, Allah etdiyiniz əməlləri görəndir.
Kerbelayi Malik ağa:
Analar (nikahlı olsun və ya boşanmış olsun) uşaqlarını tam iki il əmizdirərlər. (Bu hökm) süd əmizdirməyi tamamlamaq istəyən kimsələr üçündür. (Anaların) yeməkləri və geyimləri marufla (adət-ənənəyə uyğun olaraq) uşağın atasının üzərinə düşür. Heç kimsə öz gücünün çatdığından artığı ilə mükəlləf (məsuliyyətli) tutulmasın. Nə ana uşağı ilə, nə də ata uşağı ilə zərərə uğradılmasın. Varisin üzərindəki (məsuliyyət) də bunun kimidir. Lakin əgər (ana ilə ata) müşavirə edərək (məsləhətləşərək) razılıqla uşağı süddən kəsmək istəyərlərsə, o təqdirdə onların ikisi üzərinə bir günah yoxdur. Əgər uşaqlarınızı (süd ana tutub) əmizdirmək istəsəniz, verəcəyinizi (süd haqqını) marufla (adət-ənənəyə uyğun olaraq süd anaya) təslim etdiyiniz zaman artıq sizin üzərinizə bir günah yoxdur. Allaha qarşı təqva sahibi olun. Allahın etdiklərinizi çox yaxşı gördüyünü bilin!
Ələsgər Musayev:
Analar
əmizdirirlər övladlarını iki il kamil. Kim üçün iradəsi var ki,
tamam etsin əmizdirməni Və üzərində kimdən ki, doğulmuşdur
onun üçün ruzisi onların və paltarları mərifətlə. Yoxdur təklif
nəfsə, ancaq vüsəti onun. Zərər çəkməsinlər analar övladı ilə
və yoxdur kimdən ki, doğulmuşdur onun üçün övladı ilə.
Üzərində varisin misli bunun. Əgər iradəlidirlər ikisi də
ayrılığa, razılıqdan ikisindən də və məşvərətlə və yoxdur günah
üzərində onların hər ikisinin. Və əgər iradəlisiniz ki, istəyəsiniz
əmizdirmələrini övladlarınızı, yoxdur günah üzərinizdə, onda
ki, salamatçılıqla nə əta edəsiniz mərifətlə. Və qorxun Allahdan
və bilin ki, Allah nə ilə əməldəsiniz, Bəsirdir!
A.Mehdiyev və D.Cəfərli:
Analar öz övladlarına iki il tamam süd verməlidirlər. Bu (göstəriş), (körpənin) süd əmmə müddətini kamil etmək istəyən kəs üçündür. Onların ruzi və geyimi(ni) orta həddə (təmin etmək) körpənin sahibinin (atasının) öhdəsinədir. Heç kəsin boynuna qüdrətindən artıq vəzifə qoyulmur. Nə ana övladına görə ziyana düşməlidir və nə də körpənin sahibi körpəsinə görə (nə ana havayı süd verməyə məcbur edilməlidir, nə də ata artıq pul ödəməlidir). Ata-ana (öz aralarındakı ixtilafa görə) öz övladlarına zərər və ziyan vurmamalıdırlar. Belə bir vəzifə həm də (atanın) varisin(in) öhdəsinədir (ki, əgər ata ölsə və miras həmin körpəyə qalsa, yuxarıda deyilən şərtlərlə ananın dolanışığı həmin maldan ödənilməlidir). İndi əgər ata və ana aralarındakı razılıq və məsləhətləşmə əsasında (körpəni nəzərdə tutulan zamandan qabaq) süddən ayırmaq istəsələr, onlara günah yoxdur. Və əgər övladlarınıza süd vermək üçün dayə (tutmaq) istəsəniz, verməli olduğunuz şeyi yaxşılıqla və gözəl bir şəkildə ödəyəcəyiniz təqdirdə sizə bir günah yoxdur. Allahdan qorxun və bilin ki, Allah etdiklərinizi görəndir.
Kövsər Tağıyev:
Əmizdirməyi tamamlamaq istəyənlər üçün analar uşaqlarını tam iki il əmizdirərlər. Onların (anaların) yeməyi, geyimi adətə uyğun olaraq ataya aiddir. Heç kimə gücünün çatdığından artıq bir yük və məsuliyyət yüklənməz. Heç bir ana və heç bir ata uşağı səbəbi ilə zərərə uğramasın! (Ata ölübsə,) mirasçı da eyni şeydən məsuldur. Əgər (ana və ata) öz aralarında razılaşaraq (iki il tamamlanmadan) uşağı süddən kəsmək istəsələr, onlara günah yoxdur. Əgər uşaqlarınızı (bir süd anasına) əmizdirmək istəsəniz, adətə uyğun olaraq əvəzini gözəl bir şəkildə ödədiyiniz təqdirdə sizə bir günah yoxdur. Allaha qarşı gəlməkdən çəkinin və bilin ki, Allah etdiklərinizi haqqı ilə görəndir.
M.Qənioğlu və T.Bilaloğlu:
Analar öz övladlarını tam iki il əmizdirərlər. Bu əmizdirməni tam başa vurmağı istəyənlər üçündür. Anaların ruzisi və geyimi qayda üzrə uşağın atasının üzərinə düşür. Heç kəsə taqətindən artıq yük qoyulmaz. Nə ana uşağına görə, nə də ata uşağına görə zərərə düşməməlidir. Onun bənzəri (ruzi və geyim təmini -icab edəndə-) varis üzərinə də düşər. Əgər ikisi də razılıq və qarşılıqlı məsləhətlə süddən ayırsalar, bu, onlara günah deyildir. Əgər siz uşaqlarınızın (süd anaları tərəfindən) əmizdirilməsini istəsəniz, onda qayda üzrə lazımi haqqı versəniz, sizə günah olmaz. Allahdan qorxun və bilin ki, Allah doğurudan da sizin nə etdiklərinizi görür.
Sabirə Dünyamalıyeva:
Analar öz uşaqlarını, -əmizdirmə müddətinin tamam olmasını istəyənlər üçün- tam iki il əmizdirsinlər. Uşağın atasına da əmizdirənlərin yeməyi və geyimi adətlərə uyğun/hər kəs tərəfindən qəbul edilən şəkildə, borcdur. Hər kəs yalnız gücü çatan; imkanı dairəsində məsuliyyət daşıyır. Və uşağına görə bir ana da, uşağına görə bir ata da zərər çəkməsin. Varis üçün də bunun eynisi borcdur. Əgər ana və ata bir-birləriylə məsləhət edib, öz razılıqlarıyla uşağı süddən kəsmək istəsələr, onlar üçün bir günah yoxdur. Əgər uşaqlarınızı əmizdirmək istəsəniz, verməli olduğunuzu adətlərə uyğun olaraq/hər kəs tərəfindən qəbul edilən bir şəkildə versəniz, bunda sizin üçün bir günah yoxdur. Və Allahın mühafizəsi altına daxil olun və şübhəsiz Allahın, sizin etdiklərinizi çox yaxşı görən olduğunu bilin.