Mömin Surəsi 40. Ayə - Bütün Tərcümələr
Kim pis bir iş görərsə, yalnız etdiyi pis iş qədər cəza alar. Mömin olub yaxşı bir iş görən kişi, yaxud qadın isə cənnətə girəcək və orada onlara saysız-hesabsız ruzilər veriləcəkdir.
Əlixan Musayev:
Kim pis bir iş tutsa, o ancaq işinin həddi qədər cəza alar. Mömin olmaqla bərabər, yaxşı iş görən kişilər və qadınlar Cənnətə daxil olub orada hesabsız ruziyə nail olarlar.
Bünyadov-Məmmədəliyev:
Hər kəs bir pislik etsə, o ancaq pisliyi qədər cəza alar. Amma hər kişi, yaxud qadın mömin ikən bir yaxşılıq etsə, belələri Cənnətə daxil olub saysız-hesabsız ruziyə çatar!
Elmir Quliyev
:
Тот, кто совершил зло, получит только соответствующее воздаяние. А те мужчины и женщины, которые поступали праведно, будучи верующими, войдут в Рай, в котором они будут получать удел без счета.
Ələddin Sultanov:
Kim pis bir iş görərsə, yalnız etdiyi pis iş qədər cəza alar. Mömin olub yaxşı bir iş görən kişi, yaxud qadın isə cənnətə girəcək və orada onlara saysız-hesabsız ruzilər veriləcəkdir.
Kerbelayi Malik ağa:
Kim günah işləyərsə mislindən çoxu ilə cəzalandırılmaz. Qadınlardan və ya kişilərdən kim əməli salihat (nəfsi islahedici əməllər) işləyərsə, onlar (imanı artan) möminlərdir. Onlar cənnətə daxil ediləcək və orada saysız-hesabsız ruzi veriləcək.
Ələsgər Musayev:
Kim pis əməl edir,
ancaq onun mislini mükafat alacaq və kim əməli islahatdır
kişilərdən və ya qadınlardan və o, inanandır – həmin onlar daxil
olacaqlar cənnətə və orada hesabsız ruzi onlar arasında
bölünəcəkdir!
A.Mehdiyev və D.Cəfərli:
Kim pis iş görsə, yalnız onun miqdarında cəzalandırılacaq və kişi və ya qadınlığından asılı olmayaraq, kim mömin halda yaxşı iş görsə, belələri Cənnətə daxil olacaq, orada onlara saysız-hesabsız (əməllə müqayisə edilmədən və möminin hesabından xaric həddə) ruzi veriləcəkdir.»
Kövsər Tağıyev:
“Kim bir pislik edərsə, sadəcə o qədər cəza alar. Qadın və ya kişi kim mömin olaraq saleh bir əməl işləsə, onlar cənnətə girəcək və onlara orada saysız-hesabsız ruzi veriləcək”.
M.Qənioğlu və T.Bilaloğlu:
Kim pis iş tutarsa, ancaq ona bənzəri ilə cəzalandırılar. Kim iman gətirib əməlisaleh olarsa, kişi ya qadın olsun, onlar cənnətə daxil olaraq orada saysız-hesabsız ruzi alarlar.
Sabirə Dünyamalıyeva:
Hər kim bir pislik etsə, ona ancaq etdiyinin bir misli cəza verilər. Və kişi və ya qadın, hər kim mömin olaraq yaxşılaşdırmaq qayəsi ilə əməl işləsə, artıq onlar cənnətə girər və orada onlar üçün saysız-hesabsız ruzi var."