Kəhf Surəsi 29. Ayə - Bütün Tərcümələr
De: “Haqq sizin Rəbbinizdəndir. Ona görə də istəyən inansın, istəyən inkar etsin. Biz zalımlar üçün elə bir cəhənnəm hazırlamışıq ki, onun divarları onları hər tərəfdən əhatə edər. Əgər (susuzluğa görə) yardım istəsələr, onlara əridilmiş mədən kimi üzləri qızardan bir su ilə yardım olunar. O necə də pis içki və necə də pis məskəndir!
Əlixan Musayev:
De: “Haqq Rəbbiniz tərəfindəndir. Kim istəyir inansın, kim də istəyir inanmasın”. Biz zalımlar üçün elə bir Od hazırlamışıq ki, onun divarları onları əhatə edəcəkdir. Onlar kömək dilədikdə əridilmiş metal kimi üzlərini qovuran bir su ilə kömək ediləcəkdir. Nə pis içkidir! Nə pis məskəndir!
Bünyadov-Məmmədəliyev:
Və de: “Haqq Rəbbinizdəndir. Kim istəyir inansın, kim də istəyir inanmasın (kafir olsun). Biz zalımlar üçün elə bir atəş hazırlamışıq ki, onun pərdələri (dumanları) onları bürüyəcəkdir. (Cəhənnəmin qalın divarları zalımları əhatə edəcəkdir). Onlar imdad istədikdə onlara qətran (yaxud yaradan axan irin-qan) kimi üzlərini büryan edən bir su ilə kömək ediləcəkdir. O, nə pis içki, o (Cəhənnəm) necə də pis məskəndir!
Elmir Quliyev
:
Скажи: "Истина — от вашего Господа. Кто хочет, пусть верует, а кто не хочет, пусть не верует". Мы приготовили для беззаконников Огонь, стены которого будут окружать их со всех сторон. Если они станут просить о помощи (или о дожде), то им помогут водой, подобной расплавленному металлу (или осадку масла), которая обжигает лицо. Мерзкий напиток и скверная обитель!
Ələddin Sultanov:
De: “Haqq sizin Rəbbinizdəndir. Ona görə də istəyən inansın, istəyən inkar etsin. Biz zalımlar üçün elə bir cəhənnəm hazırlamışıq ki, onun divarları onları hər tərəfdən əhatə edər. Əgər (susuzluğa görə) yardım istəsələr, onlara əridilmiş mədən kimi üzləri qızardan bir su ilə yardım olunar. O necə də pis içki və necə də pis məskəndir!
Kerbelayi Malik ağa:
De ki: ‘Haqq Rəbbinizdəndir.’ Bundan sonra artıq diləyən inansın və diləyən inkar etsin. Şübhəsiz ki, Biz zalımlar üçün kənarları onları əhatə edən bir atəş hazırladıq. Əgər onlar yağış istəyərlərsə (atəşə qarşı) ərimiş mədən kimi tünd və qaynar, üzləri qovuran bir su yağdırılar. Nə pis bir içəcək və nə pis bir dost (köməkçi).
Ələsgər Musayev:
De: «Haqq
Rəbbinizdəndir. Kim istəyir inansın və kim istəyir kafir olsun».
Həqiqətən, zalimlər üçün yanar od hazır etmişik. Əhatə edər
onları şölələri hər tərəfdən. Əgər yardım istəsələr, onlara
ərinmiş metal kimi su ilə yardım edərlər ki, istisi onların
üzlərini yandırar. Çox pis şərabdır və çox pis məskəndir!
A.Mehdiyev və D.Cəfərli:
Və de: «Haqq sizin Rəbbiniz tərəfindən olandır. Buna görə də istəyən iman gətirsin, istəyən küfr etsin. Şübhəsiz, Biz zalımlar üçün elə bir atəş hazırlamışıq ki, pərdələri onları əhatə edəcəkdir. Və əgər (susuzluğun şiddətindən) imdada çağırsalar, mis kimi əridilmiş (və) üzləri bişirən bir su ilə dadlarına çatılar. Necə də pis içkidir və necə də pis bir məkandır!»
Kövsər Tağıyev:
De ki: “Haqq Rəbbimizdəndir. Artıq istəyən iman etsin, istəyən də inkar etsin”. Biz zalımlar üçün elə bir atəş hazırladıq ki, onun alovlu divarları onları əhatə edər. (Susuzluqdan) ah-fəğan edib yardım istədikdə isə üzləri yandırıb yaxan ərinti kimi bir su ilə onlara yardım edilər. O necə də pis bir içkidir. Cəhənnəm necə də qorxunc bir söykənmə yeridir.
M.Qənioğlu və T.Bilaloğlu:
De: "Haqq sizin Rəbbinizdəndir. Kim istəyir qoy inansın, kim istəyir inanmasın."
Sabirə Dünyamalıyeva:
Və de ki: "O haqq, Rəbbinizdəndir. Ona görə də istəyən inansın, istəyən bilə-bilə inkar etsin/inanmasın." Şübhəsiz ki, Biz, şirk qoşaraq səhv, öz zərərlərinə olan əməli işləyənlər üçün divarları onları hər yandan əhatə edən bir atəş hazırladıq. Və əgər yağış yağmasını istəsələr, ərimiş mədən kimi üzlərini bişirən bir su yağdırılar. O, nə pis bir içkidir! Dayanmaq/sığınmaq yeri olaraq da nə qədər pis bir yerdir!